06 Nën Thirrja e 5-të lokale dhe thirrja e 2-të rajonale – Projektet e përzgjedhura
Në vijim të thirrjes së pestë të granteve lokale dhe thirrjes së dytë të granteve rajonale të Fondit Kulturor Zviceran në Shqipëri, në vijim po paraqesim projektet e përzgjedhur për mbështetje.
Shfrytëzojmë mundësinë për të falënderuar çdo aplikues për kohën, energjinë, përfshirjen dhe interesin! E mirëpresim dhe e inkurajojmë secilin prej jush për të aplikuar në thirrjet tona të ardhshme.
Thirrja e 5-të e granteve lokale: Punëtori e produksionit muzikor
Individi/Organizata: Herta Basha
Granti: Grant lokal për konceptimin dhe zhvillimin e një punëtorie për produksionin muzikor
Kohëzgjatja e zbatimit : 1 muaj
Përshkrimi:
Punëtori e regjistrimit të muzikës në studio, që konsiston në teori mbi regjistrimin, performancën, harmonitë – me fokus në muzikën rok – si dhe në praktikë në studio regjistrimi për një grup muzikantësh të rinj. Punëtoria do të drejtohet nga muzikanti Bojken Lako dhe një ekip mbështetës.
Thirrja e 2-të e granteve rajonale: Program Rezidence Artistike
Individi/Organizata: Zeta Center
Granti: Grant rajonal për konceptimin dhe zbatimin e një programi të rezidencës artistike
Kohëzgjatja e zbatimit : 90 Ditë
Përshkrimi:
Program rezidence artistike në Tiranë në fushën e arteve pamore. Artistët pjesëmarrës do të ftohen nëpërmjet organizatave partnere të konfirmuara nga rajoni dhe do të përzgjidhen nga një grup prej 16 kandidatësh të propozuar. Folës të ndryshëm nga temat përkatëse do të prezantojnë ligjërata, punët e tyre dhe diskutime.
Programi do të zgjasë katër javë. Me kërkim gjatë javës së parë, planifikim dhe punë gjatë javës së dytë dhe të tretë dhe përgatitje të ekspozitës në javën e fundit.
Ekspozita finale në Zeta Galeri në Bllok do të qëndrojë e hapur për dy javë.