23 Jan

Posted at 17:37h in Art, Programi i Granteve Lokale

DATA E ÇELJES: 23 Janar 2020

AFATI PËR APLIKIME: 1 Prill 2020 24:00 CET

KONTAKT: [email protected]

Fondi Kulturor Zviceran në Shqipëri shpall thirrjen e gjashtë për aplikime për grante lokale. Propozimet duhet të adresojnë një nga tematikat e mëposhtme:

Kulturë jashtë kryeqytetit.

Qasja në kulturë është parë shpesh si një privilegj i njerëzve që jetojnë në kryeqytet. Kjo ndikon tek artistët audiencat ne qyteteve të tjera. Në terma afatgjata, centralizimi i skenës kulturore mund të kontribuojë në një zhvillim të pabarabartë. Duke mbështetur projekte kulturore jashtë Tiranës, Fondi Kulturor Zviceran (SCFA) synon të kontribuojë në decentralizimin e skenës kulturore.

Kjo tematikë është e hapur për propozime të projekteve artistike dhe kulturore që zhvillohen në qytete, qyteteza ose atraksione natyrore jashtë Tiranës.

Fokus tek mjedisi

Artistët si qytetarë aktivë dhe organizatat kulturore kanë fuqinë për të promovuar ndryshime pozitive për çështje kritike, siç është mjedisi.
Megjithatë angazhimi i tyre është i ndërlidhur me kufizime logjistike dhe mungesë burimesh.
Duke mbështetur projekte kulturore me fokus mjedisin, SCFA synon të nxisë artistët të përfshihen në aktivizëm kulturor, me një impakt përtej kulturës.

Kjo tematikë është e hapur për propozime të projekteve artistike dhe kulturore që përdorin artin dhe kulturën si mjet për të adresuar çështjet mjedisore.

Sfidë me status-kuo-në

Në shoqëritë demokratike, gjatë historisë, artistët kanë ngritur zërin dhe shpesh janë dëgjuar për domosdoshmërinë e ndryshimit shoqëror.
Ndryshimi shoqëror ka nevojë për imagjinatë dhe asgjë më mirë se artet dhe kultura nuk mund ta pasurojnë këtë imagjinatë.

Duke marrë parasysh që arti dhe kultura tërheqin dhe frymëzojnë audiencë të gjerë, SCFA synon të mbështesë projekte me impakt potencial përtej sektorit kulturor.

Kjo temë e thirrjes është e hapur për propozime të projekteve artistike dhe kulturore që përdorin artin dhe kulturën si mjet për të ngritur pyetje dhe mendim kritik për çështje që lidhen me demokracinë, aktivizmin, lirinë e fjalës dhe drejtësinë sociale.

Histori nga kujtesa kolektive

Kultura shqiptare është përballur me ndryshime të mëdha përgjatë tridhjetë viteve të fundit. Sidoqoftë, në vend që të veprojë si një proces i pasurimit kulturor, ky ndryshim është parë nga shumë thjesht si një zëvendësim kulturor.
Kjo ndjenjë e zëvendësimit është shpesh burimi i keqkuptimit dhe alienimit midis gjeneratave të reja dhe të mëparshme.

Duke mbështetur projekte që fokusohen në kujtesën kolektive, ne synojmë të ndërtojmë ura që tejkalojnë hendekun e brezave dhe promovojnë idealet e përbashkëta rinore dhe vazhdimësinë kulturore.
Duke mbështetur projekte rreth kësaj teme, SCFA synon të motivojë artistët shqiptarë të gërmojnë më thellë në jetën shqiptare dhe të nxjerrin në sipërfaqe një sërë tregimesh origjinale nga e kaluara jonë.

Kjo tematikë është e hapur për propozime projektesh artistike dhe kulturore që eksplorojnë aspekte intriguese të jetës përgjatë historisë së re shqiptare nëpërmjet dëshmive të dorës së parë.

Dizajn Shqiptar

Dizajni është ndër sektorët më të frytshëm të ekonomisë me ndikim te individët dhe biznesi i vogël. Ndërsa Shqipëria ka një gjeneratë të re të dizenjuesve të talentuar të grafikës, modës, arkitekturës dhe interierit, puna e tyre zorr se promovohet përtej mundësive të tyre personale.
Duke mbështetur projekte rreth kësaj teme, SCFA synon të mundësojë që dizenjuesit e rinj shqiptarë të përparojnë aftësitë e tyre, pa ndërhyrje dhe kufizime të investitorëve dhe të promovojnë punën e tyre në forma të prekshme.

Kjo tematikë e thirrjes është e hapur për propozime projektesh dizajni që kanë në qendër dizenjues të rinj shqiptarë, si hallka kryesore e prodhimit.

Trashëgimi kulturore

Kjo tematikë e thirrjes është e hapur për propozime të projekteve kulturore që hulumtojnë dhe dokumentojnë mjetet e punës të përdorura në zejet tradicionale shqiptare, thurjen e pëlhurave, qepjen e rrobave, bujqësinë dhe praktikat e prodhimit të ushqimit.

Ju do të gjeni Formularin dhe Udhëzimet e aplikimit brenda Paketës së Aplikimit

Jeni të lutur të lexoni me kujdes udhëzimet përpara se të plotësoni formularin tuaj të aplikimit.

Në rast paqartësish, jeni të lutur të dërgoni pyetjet tuaja brenda datës 20 Mars 2020 ora 12:00 në [email protected] përpara se të dorëzoni formularin tuaj të aplikimit.

31 Maj

Posted at 18:05h in Art, Programi i Granteve Lokale

Duke ju falenderuar për interesin ndaj thirrjes së katërt për aplikime, po ndajmë me ju pyetjet që kanë mbërritur në postën tonë elektronike, së bashku me përgjigjet përkatëse.

Cfare do te thote “Pershkrim i metodologjise teknike qe do te perdoret”? (tema: Letërsi).
Pershkrimi i metodologjise teknike perfshin informacion te detajuar mbi llojin e studios, pajisjeve, programeve, stafit dhe mjeteve te tjera qe do te perdoren ne prodhimin e librit.

Cila eshte shuma maksimale e granteve per aplikuesit individe?
Grantet lokale te Swiss Cultural Fund ofrojne te njejten shume maksimale, si per aplikantet individe, ashtu edhe per organizatat.

Nuk gjej formularin shqip. A mund te ma dergoni ne email?
Swiss Cultural Fund nuk dergon formulare aplikimi me email. Formulari shqip i aplikimit, gjendet ne seksionin shqip te faqes web.

A pranohen projekte qe ne koston e tyre kane nje perqindje te larte te blerjeve te materialeve?
Te gjitha aplikimet qe plotesojne kerkesat administrative, vleresohen mbi te njejtat kritere teknike, si: origjinaliteti, qartesia, pervoja e profesionalizmi i aplikuesit dhe efikasiteti i buxhetit.

A behet mbeshtetje edhe per botim te materialit autentik autorial ne formen e librit? (tema: Letersi)
Thirrja mbeshtet vetem regjistrimin, prodhimin dhe publikimin e librit audio.

A mund te aplikojne institucionet arsimore?
Ky grant eshte i hapur vetem per artiste te rinj dhe organizata kulturore. Institucionet arsimore perjashtohen.

A mund te dorezohen dokumentet e projektit ne gjuhen shqipe ?
Swiss Cultural Fund preferon qe dokumentet te dorezohen ne te dy gjuhet, shqip edhe anglisht. Megjithate, nuk perjashtohen aplikuesit qe perdorin vetem nje prej gjuheve.

03 Maj

Posted at 12:39h in Art, Programi i Granteve Lokale

DATA E ÇELJES: 03 MAJ 2019

AFATI PËR APLIKIME: 03 QERSHOR 2019 24:00 CET

KONTAKT: [email protected]

Fondi Kulturor Zviceran në Shqipëri shpall thirrjen e katërt për aplikime për grante lokale. Propozimet duhet të adresojnë një nga temat e mëposhtme të interesit:

Letërsi

Fondi Kulturor Zviceran në Shqipëri çel thirrjen për propozime për: Regjistrimin dhe botimin e një audio-libri në gjuhën Shqipe.

Kjo thirrje pranon propozime nga profesionistë të pavarur ose organizata kulturore. Aplikuesit e pranueshëm duhet të demostrojnë që janë në gjendje të sigurojnë të drejtat e autorit për materialin e regjistruar, nëse është e nevojshme. Aplikuesit duhet të tregojnë kapacitet për regjistrime me cilësi të lartë të tingullit, nëpërmjet shembujve të mëparshëm ose informacionit teknik. Aplikuesit kërkohen të përshkruajnë:

  •  Një listë të titujve të sugjeruar
  • Përshkrimin e metodologjisë teknike që do të përdoret
  • Një plan pune
  • Përdorimin e mëtejshëm të materialeve të prodhuar
  • Detaje mbi eventin final ku rezultatet e projektit do të prezantohen përpara publikut dhe partnerëve.

Aplikuesit do të përzgjidhen nga një panel ekspertësh të pavarur në fushë, bazuar mbi cilësinë e propozimit, aktivitetin artistik në tre vitet e fundit dhe përputhshmërinë me kriteret e sipër-përmendura.

Fotografi

Fondi Kulturor Zviceran në Shqipëri çel thirrjen për fotografë të rinj dhe në zhvillim për propozime për:
Prodhimin dhe ekspozimin e një projekti të plotë fotografik.

Thirrja I drejtohet fotografëve që synojnë të fokusojnë dhe të shprehin aspekte të rëndësishme të realitetit shqiptar, nëpërmjet mjeteve dhe teknikave të përparuara.

Kjo thirrje përjashton çdo zhanër të fotografisë komerciale, si: Fotografi dasmash, ushqimi, mode dhe spektakli.

Çdo aplikues duhet të dorëzojë një jetëshkrim dhe një portofol të punimeve të mëparshme të fotografisë, së bashku me formularin e aplikimit, bashkëlidhur në këtë thirrje. Aplikuesit duhet të shpjegojnë qartësisht propozimin e tyre, duke theksuar:

  • Temën e projektit fotografik të propozuar
  • Vendet dhe njerëzit e synuar në projekt
  • Një plan pune konkret
  • Një listë të pajisjeve që do të përdoren
  • Rezultatet e pritura nga prodhimi I fotografive
  • Detaje mbi ekspozitën

Aplikuesi I përzgjedhur do të zbatojë prodhimin dhe ekspozimin e projektit brenda kalendarit të propozuar.

Kjo thirrje nuk mbulon kosto për blerje pajisjesh, por kostot për qira pajisjesh dhe mjedisesh mbulohen.

Aplikuesit do të përzgjidhen nga një panel ekspertësh të pavarur në fushë, bazuar mbi cilësinë e propozimit, aktivitetin artistik në tre vitet e fundit dhe përputhshmërinë me kriteret e sipër- përmendura.

Trashëgimi Kulturore

Fondi Kulturor Zviceran në Shqipëri çel thirrjen për artistë të rinj e në zhvillim dhe aktorë të tjerë kulturorë, për propozime projektesh që: Fuqizojnë trashëgiminë kulturore shqiptare në zonat rurale.

  • Thirrja pranon propozime si:
  • Kërkim ose vënie në hartë (mapping) e aseteve të trashëgimisë kulturore si: zeje, mjete ose metoda pune me ndikim në ekonominë vendase.
  • Dokumentim i pasurisë kulturore të prekshme ose të paprekshme nëpërmjet videos, fotografisë, regjistrimeve, etj.
  • Promovim dhe shpërndarje e trashëgimisë kulturore vendase nëpërmjet web-it.

Kjo thirrje nuk mbështet:

  • Projekte për restaurim ose mirëmbjajte të aseteve ose vendeve me trashëgimi kulturore
  • Koncerte ose festivale
  • Kurse, trajnime ose programe të shkurtra arsimi
  • Përmbledhje me letërsi folklorike

Kërkesat:
Çdo aplikues kërkohet të dorëzojë një rezyme që tregon aktivitetin e mëparshëm të ngjashëm ose në fushën e propozimit konkret. Në formularin e aplikimit, aplikuesit duhet që qartësisht të shpjegojnë propozimin e tyre, duke theksuar:

  • Konceptin dhe tematikën e projektit
  • Vendet dhe njerëzit e synuar në projekt
  • Një plan pune konkret
  • Rezultatet e pritshme nga projekti
  • Detaje mbi eventin final ku rezultatet e projektit do të prezantohen përpara publikut dhe partnerëve.

Aplikuesit do të përzgjidhen nga një panel ekspertësh të pavarur në fushë, bazuar mbi cilësinë e propozimit, aktivitetin artistik në tre vitet e fundit dhe përputhshmërinë me kriteret e sipër-përmendura.

Art Pamor

Fondi Kulturor Zviceran në Shqipëri çel thirrjen për artistë të rinj e në zhvillim, për : Prodhimin dhe ekspozimin e veprave të artit pamor.
Kjo thirrje pranon propozime nga artistë pamorë në fushat e:

  • Pikturës
  • Skulpturës
  • Multimedia (audio-video)

Propozimet duhet të përmbajnë një vizion origjinal dhe inovativ mbi çështjet e sotme sociale.

Kjo thirrje është e hapur për artistë individë ose grupe.
Kjo thirrje nuk mbështet:

  • Prodhimin e artit komercial
  • Prodhim veprash arti për hapësira publike
  • Ekspozita repertori
  • Shpenzime udhëtimi për pjesëmarrje në aktivitete jashtë Shqipërisë.

Çdo aplikues kërkohet të dorëzojë një jetëshkrim dhe përshkrim të krijimtarisë artistike (artist statement), së bashku me formularin e aplikimit.
Aplikuesit kërkohen të pëshkruajnë:

  • Konceptin dhe temën e projektit
  • Vendet dhe njerëzit e synuar në projekt
  • Një plan pune konkret
  • Rezultatet e pritshme nga projekti
  • Detaje mbi ekspozitën finale të eventit.

Aplikuesit do të përzgjidhen nga një panel ekspertësh të pavarur në fushë, bazuar mbi cilësinë e propozimit, aktivitetin artistik në tre vitet e fundit dhe përputhshmërinë me kriteret e sipër-përmendura.

Arte Skenike

Fondi Kulturor Zviceran në Shqipëri çel thirrjen për artistë të rinj e në zhvillim dhe organizata kulturore për propozime mbi: Prodhimin dhe shfaqjen e një baleti bashkëkohor.

Kjo thirrje pranon propozime që mbartin një qasje inovatore mbi baletin bashkëkohor, duke sfiduar kufizimet e baletit klasik, si: tipologjia muzikore, koreografia, vënia në skenë, ndriçimi, kostumet, etj.
Thirrja mbulon kostot për:

  • Hapësirë prove dhe pune gjatë fazës përgatitore
  • Kostume, krehje, grim.
  • Kosto skenografie (projektor, butafori dhe materiale, sistem fonie, etj)
  • Sallën dhe marketingun e shfaqjes live.

Kjo thirrje nuk mbulon:

  •  Kosto shpenzimesh për pjesëmarrje në aktivitete jashtë Shqipërisë.
  • Prodhime televizive
  • Performancë rruge
  • Performancë folklorike
  • Balet klasik

Çdo aplikues kërkohet të dorëzojë një jetëshkrim dhe shembuj të punëve të mëparshme në formatin e lidhjeve video, së bashku me formularin e aplikimit.
Aplikuesit kërkohen të përshkruajnë:

  • Konceptin dhe temën e projektit
  • Vendet dhe njerëzit e synuar në projekt
  •  Një plan pune konkret
  •  Rezultatet e pritshme nga projekti
  • Detaje rreth shfaqjes live.

Aplikuesit do të përzgjidhen nga një panel ekspertësh të pavarur në fushë, bazuar mbi cilësinë e propozimit, aktivitetin artistik në tre vitet e fundit dhe përputhshmërinë me kriteret e sipër-përmendura.

Projekte artistike ose të trashëgimisë kulturore mbi tematikën e pemës së ullirit

Në kulturat mesdhetare, pema e ullirit shihet si simbol i paqes. Shpesh asociohet si metaforë trashëgimisë, historisë dhe brezave.

Për të theksuar dhe shënuar kulturën mesdhetare të Shqipërisë, Fondi Kulturor Zviceran në Shqipëri çel thirrjen e hapur me tematikë mbi pemën e ullirit dhe trashëgiminë kulturore të lidhur me të. Propozimet mund të vijnë nga disiplina të ndryshme artistike si psh: arte pamore, multimedia, film, fotografi, arte skenike, etj.

Propozimi ideal duhet të ofrojë një mënyrë origjinale, kreative dhe efikase të paraqitjes së temës nëpërmjet lentes së artit.

Kjo thirrje nuk mbështet:

  • Projekte me synime jo-kulturore
  • Organizata bujqësore ose individë nga sektori i bujqësisë
  • Organizata pa përvojë të mëparshme në kulturë

Aplikuesit kërkohen të përshkruajnë:

  • Konceptin dhe temën e projektit
  • Vendet dhe njerëzit e synuar në projekt
  • Një plan pune konkret
  • Rezultatet e pritshme nga projekti
  • Detaje mbi realizimin e temës.

Aplikuesit do të përzgjidhen nga një panel ekspertësh të pavarur në fushë, bazuar mbi cilësinë e propozimit, aktivitetin artistik në tre vitet e fundit dhe përputhshmërinë me kriteret e sipër-përmendura.

Ju do të gjeni Formularin dhe Udhëzimet e aplikimit brenda Paketës së Aplikimit

Ju lutemi të lexoni me kujdes udhëzimet përpara se të plotësoni formularin tuaj të aplikimit.

Propozimet që nuk përputhen me të gjithë kriteret dhe kushte, nuk do të konsiderohen.

Në rast paqartësish, ju lutemi dërgoni pyetjet tuaja brenda datës 30 Maj 2019 ora 12:00 në [email protected] përpara se të dorëzoni formularin tuaj të aplikimit.

05 Shk

Posted at 08:41h in Programi i Granteve Lokale

Njoftim

Në vijm të shtyrjes së afatit të aplikimeve për thirrjen “Dialogu ndëtkulturor në art”, njoftojmë shtyrjen e afateve të parashikuara për vlersimin e propozimeve.

Faleminderit për mirëkuptimin!

Fondi Kulturor Zviceran në Shqipëri njofton zgjatjen e afatit për propozime për thirrjen “Dialogu ndëekulturor në art” deri më 20 Janar 2019.

Ju lutemi, lexoni në vijim mbi detajet e thirrjes.

DATA E SHPALLJES: 22 Tetor 2018

AFATI PËR APLIKIMET: 5 Janar 2019

AFATI I ZGJATUR PËR APLIKIMET: 20 Janar 2018

KONTAKTI: [email protected]

Në kuadër të fuqizimit të dialogut ndërkufitar dhe rritjes së mirëkuptimit ndërkulturor përmes arteve në Ballkanin Perëndimor, Fondi Kulturor Zviceran në Shqipëri fton organizatat kulturore lokale dhe rajonale që të paraqesin propozime për hartimin dhe zbatimin e një Programi Art Residence që thekson këtë aspekt.

Misioni i Fondit Kulturor Zviceran është të sjellë së bashku një grup artistësh të talentuar nga formime të ndryshme dhe vende të rajonit dhe t’u ofrojë atyre hapësira, kohë dhe kontekst për të krijuar një art bashkëpunues që synon të eksplorojë dhe kuptojë marrëdhëniet dhe bashkëjetesën pavarësisht nga tensionet politike.
Ju lutemi lexoni me kujdes udhëzimet para se të dorëzoni propozimin tuaj.

Propozimet që nuk plotësojnë të gjitha kriteret dhe kushtet nuk do të merren parasysh. Në rast të paqartësive ju lutemi dërgoni pyetjet tuaja brenda datës 12 Nentor 2018 ora 12:00 tek [email protected] përpara se të dorëzoni propozimin tuaj.

01 Shk

Posted at 17:25h in Art, Programi i Granteve Lokale

Fondi Kulturor Zviceran në Shqipëri mundësoi krijimin dhe promovimin e albumit “9” nga Vitmar Basha, në Teatrin e Kukullave, Tiranë

Nëntë këngë të reja u interpretuan gjatë mbrëmjes së djeshme për publikun e Tiranës. Koncerti shënoi publikimin e albumit me titullin “9”, i cili tashmë është në treg. Ky album përmbledh këngë me tematika sociale dhe personale, të kompozuara nga vetë artisti.

Krijimi dhe promovimi i albumit u mundësua nga Fondi Kulturor Zviceran në Shqipëri falë grantit lokal me tematikë “Prodhim ose Promovim i Muzikës Alternative”.

“Muzika alternative është duke kaluar ditë të vështira, kjo për shkak se kjo rrymë i qëndron larg trendeve komerciale. Por ne besojmë që as vetë muzika komerciale nuk do të mbijetonte pa u frymëzuar nga eksperimentimi alternativ”, tha Kleidi Eski, përfaqësues i Fondit Kulturor Zviceran në Shqipëri.

Mbi 150 spektatorë ishin prezentë në sallën e Teatrit të Kukullave për të ndjekur shfaqjen, e cila zgjati rreth një orë.

“Për këtë album është punuar nga një grup i përkushtuar muzikantësh, së fundmi deri në orët e mëngjesit”, tha Vitmar Basha, autor i projektit.

Artistja Marsela Çibukaj iu bashkua Bashës në skenë për një duet që u duartrokit me brohoritje nga publiku. Së bashku me Bashën në kitarë akustike, interpretuan edhe muzikantët: Fatlind Dehiri në bateri, Gjergj Kaçinari në kitarë akustike, Arvit Banishta në bas dhe Erdio Hoxha në tastierë. Përveç teksteve të shkruara nga Basha, në album përfshihen edhe tekste të shkruara nga Marsela Çibukaj dhe Nina Cara.

Përveç kompozimeve të reja, në listën e këngëve të albumit, gjenden edhe dy tituj bonus nga repertori i artistit.

Fondi Kulturor Zviceran është një projekt i Agjencisë Zvicerane për Zhvillim dhe Bashkëpunim (SDC) i cili synon të mbështesë artistë të rinj dhe të sapodalë përmes granteve, programeve të bashkëpunimit rajonal dhe forcimit të kapaciteteve. Projekti zbatohet nga Qendra për Biznes Teknologji dhe Lidership (CBTL).

 

28 Jan

Posted at 21:14h in Art, Event, Programi i Granteve Lokale

Fondi Kulturor Zviceran në Shqipëri, ka kënaqësinë t’ju ftojë në koncertin promovimin e albumit “9” nga Vitmar Basha, prodhuar dhe promovuar me mbështetjen e grantit tonë lokal me temë “Prodhim ose Promovim i Muzikës Alternative”.

Me prezencën e Ambasadës së Zvicrës në Shqipëri

Ju lutemi vizitoni faqen e eventit në facebook për informacion në lidhje me eventin.

06 Shk

Posted at 09:00h in Programi i Granteve Lokale

Në vijim të thirrjes së parë të Fondit Kulturor Zviceran në Shqipëri, njoftojmë si me poshtë projektet e përzgjedhura për financim:

1. Kruja si'Xhade

Individi/Organizata: Youth For Integration, Activation and Awareness (YIAA)

Tema e Interesit: Arti dhe Artizanati në Krujë

Kohëzgjatja e zbatimit: 3 Muaj | 1 Shkurt-30 Prill 2018

Përshkrimi: Ndërhyrje artistike në një sipërfaqe publike, për rikrijuar në shkallë të madhe motive folklorike të zonës.

2. Rigjallërimi i traditës të gdhendjes së drurit në qytetin e Krujës

Individi/Organizata: Eduart Karaj

Tema e Interesit: Arti dhe Artizanati në Krujë

Kohëzgjatja e zbatimit: 3 Muaj | 1 Shkurt-30 Prill 2018

Përshkrimi: Punëtori me pjesëmarrje nga komuniteti për të eksploruar dhe mësuar artin e gdhendjes në dru.

3. Film 360º - "Pa Titull"

Individi/Organizata: Jonid Jorgji

Tema e Interesit: Art dhe Teknologji

Kohëzgjatja e zbatimit: 3 Muaj | 1 Mars-31 Maj 2018

Përshkrimi: Komedi e errët për dy punonjës cirku dhe një pako. Film me metrazh të shkurtër, i realizuar sipas teknologjisë së kamerave dhe pajisjeve 360º/Virtual Reality.

15 Nën

Posted at 14:47h in Art, Event, Programi i Granteve Lokale, Programi i Ngritjes së Kapaciteteve, Sport

Ambasada e Zvicrës në Shqipëri dhe Qendra për Teknologji Biznesi dhe Lidership mbajtën një aktivitet çelës për Fondin e parë Kulturor Zviceran në Shqipëri (SCFA) më 15 nëntor 2017 në Qendrën Rinore të Tiranës.

Gjatë këtij eventi fjalën e mirëseardhjes e mbajti Z. Dritan Mezini, Menaxher i Projektit të SCFA, SH.T. Z. Christoph Graf, ambasador i Zvicrës në Shqipëri, një mbështetës i rëndësishëm i iniciativave kulturore në Shqipëri dhe z. Renis Tershana, anëtar i bordit të Komitetit Olimpik Shqiptar. Në vazhdim, z. Mezini paraqiti objektivat dhe veprimtarine e Fondit me pas z. Ardit Drenova, Menaxheri i Granteve SCFA vazhdoi të prezantojë mundësitë dhe programet e ndryshme te Granteve qe do te ofroje SCFA.

Eventi u ndoq nga mbi 70 pjesëmarrës nga te cilet : artistë të rinj dhe individë aktivë në skenën e Artit, Kulturës dhe Sportit; Organizata/Grupe ne skenën e Artit, Kulturës dhe Sportit; Studentë të Akademisë së Arteve; dhe grupe të tjera interesi të lidhura me Artin, Kulturën dhe Sportin